Nang makita kita sa kanto
Ang ganda mo ay di nagbabago
Malakas talaga ang tama ko sa iyo.
Halos hindi ako kumukurap
Titig na titig sa taong pinapangarap
Walang mapagsidlan ang aking saya
Makita ka lang ay langit na.
Subalit di ko magawa ang lumapit
Ang kabog ng dibdib ko ay abot-langit
Ang simpleng pagbati ay di ko masambit
Ang dila ko ay anyong nagkapilipit.
Ibubulong ko na lang sa hangin
Ang hiling nitong aking damdamin
Sana'y makarating at iyong dinggin
Dahil ikaw lang ang tanging mamahalin.
Sa tuwing magtama ang ating mga mata
Napapayuko na lang ako dahil sa kaba
Pero ang aking puso ay nagdiriwang
Sobrang saya ko kahit matingnan mo lang.
Nang minsang nagkasalubong tayo
Di ko alam kung anong gagawin ko
Nang ngumiti ka ay natulala ako
Para bang angel na nagkatotoo.
Sana'y magkaroon ako ng pagkakataon
Pati na ang lakas ng loob ay maibaon
Upang itong damdamin ay iyong malaman
Na sa puso ko ay ikaw lang ang nakalaan.
Ibubulong ko na lang sa hangin
Itong lihim kong pagtingin
Umaasang mararamdaman mo rin
Kahit ang dampi nito sa hangin.
No comments:
Post a Comment