Poem 144 - Sabihin Mong Mali Ang Pag-Ibig Ko

Hanggang ngayon ay hindi pa rin mawaglit
Ang sigaw ng puso kong nagpupumilit
Ikaw lang ang tanging minamahal ko
Mula noon hanggang sa dulo ng buhay ko.

Hindi ko mawari kung bakit tanging ikaw
Ang pag-ibig sa puso ko ang syang pumukaw
Napapangiti kahit na walang dahilan
Tuwing kita'y maisip o masilayan.

Sabihin mong mali ang pag-ibig ko
Na sadyang inilalaan lang sa iyo
Sabihin mong mali ang pag-ibig ko
At hindi ito nararapat sa iyon.

Ang araw ko ay kinukumpleto mo
Kahit mabanggit lang ang pangalan mo
Ang saya ay sadyang walang mapagsidlan
Kapag ika'y makita nang tuluyan.

Siguro ay hindi mo ito napapansin
Ang sidhi nitong aking pagtingin
Sana dumating ang tamang panahon
Na ang tadhana tayo ay itataon.

Sabihin mong mali ang pag-ibig ko
At walang karapatan para sa iyo
Sabihin mong mali ang pag-ibig ko
Dahil sa iyo lang ilalaan ito.

Sabihin mong mali ang pag-ibig ko
Na hindi ito nararapat para sa iyo
Sabihin mong mali ang pag-ibig ko
Pero di ko isusuko ang damdamin ko.